Les mots surlignés font l'objet d'une note
1Monsegneur, je vous ay bien vollu advertir comme m[essir]e Pierre
2Scachet, prebtre qui avoit esté promeu en dernier lieu de deux de voz
3chappelles de Laval par feu madame soubz le vocable de Sainct Hugues
4et Saincte Catherine est allé de vie à trespas dès samedy dernier
5et mis en sepulture du lendemain. Parquoy est neccessaire que vous provoyez
6daultant questes patron. Lon ma faict entendre quil a resi[g]né à ung scien
7nepveu filz de Jehan Scachet son frère, à valloir ce que porra entre les meins du
8greffier de Laval, ce quil ne povoit car cella est à votre vollenté et bon pleysir.
9Aussy en y a aultre que messire Estienne Belle, prebtre jà dès long temps decédé,
10tenoit soubz le vocable Sainct Jaques, que fauldroit aussi provoir
11par le decès dudit Belle, de laquelle je vous avois par cy devant escript
12et adverti que vous auriés remis à votre première venue. Ce long temps
13mesmes quil passe troys moys vous porroit prejudicier à faulte den
14proveoir, comme trop mieulx scavés, que reviendroit à dommage à votre maison
15si la faculté den proveoir comme patron dycelles se perdoit, mesmes quil y a
16des vignes, prés, terres et belles pentions que feu madame avoit envie
17et bailhe à faire recognoistre au proffit desdites chappelles. Toutesfois, les
18tiltres sont fort vieulx, car il y a bien IIIIXX ou cent ans que nont esté
19recognues et mal exhigées ; par quoy seroit de besoing de les bailher
20à quelqung qui heusse moyen de les faire recongnoistre de nouveau
21et que fut ung peu espert à ce faire pour le proffit de luy et des
22successeurs après luy affin que à ladvenir cella ne se perde, comme
23je masseure quil en y aura desjà de perdues par lambiguité du
24temps et faulte de tesmoings. Sil vous pleysoit monsegneur,
25daultant que je vous suis serviteur et que cella me porroit obliger de plus
26en plus à vous faire très humble service ad ladvenir, men proveoir de celles
27quil vous plerroit, mesmes que feu madame les volloit remectre
28les quatre en deux, je les porrois tenir et faire service dhomme souffisant,
29actendu que jey eues lettres de tonsure dès long temps et aussi
30que je aurons bien moyen de faire recouvrer les recognoissances
31nouvelles desdites pentions, ce que je ferois de toutes les quatre,
32encoures que messire Jaques Pascal en aye une soubz le vocable
33Sainct Saturnin que je poursuyvrois aussi à son proffit ; et si autre que
34luy ny tient la mein, il lerra perdre les pentions que sont au proffit
35de sadite chappelle. Je suis bien marry de la mort dudit messire
36Pierre que na malladie que sept jours. En ce que dessus vous ferés,
37votre bon pleysir, du moings vous madvertirés de votre intention affin
38que les vignes des susdites chappelles ne demeurent à pener et cultiver
39et les terres à semer veu que le temps de ce faire sapproche ; quest
40tout ce que je vous puis escripre, après avoir prié Notre Segneur vous
41donner,
42monsegneur, en très bonne saincté, longue vie et vous aye
43en sa saincte et sauve garde. De Grenoble, ce VIIIe febvrier 1574.
44Votre humble et obeyssant serviteur
45à jameys Jehan de brunel